ປະຫວັດໂດຍຫຍໍ້

ບໍລິສັດ ປັນຍາທິບ ໂຄສະນາ ສ້າງຕັ້ງຂຶ້ນເມື່ອປີ 2000 ທີ່ມີຊື່ວ່າ ປັນຍາທິບ ການພິມ ເຊິ່ງເລີ່ມຕົ້ນມີພະນັກງານທັງໝົດ 5 ຄົນ ທີ່ໃຫ້ການບໍລິການກ່ຽວກັບວຽກອອກແບບສື່ສິ່ງພິມ ແລະ ຮັບວຽກງານພິມທຸກຊະນິດ, ຈົນມາຮອດປີ 2005 ໄດ້ເລີ່ມ ມີການພັດທະນາ ແລະ ໃຫ້ບໍລິການກ່ຽວກັບວຽກຕັດສະຕິກເກີ້ ແລະ ວຽກປ້າຍທຸກຮູບແບບ ໂດຍສ້າງຕັ້ງໂຮງງານຜະລິດປ້າຍຂະໜາດນ້ອຍ ແລະ ມາເຖິງປີ 2010 ໄດ້ກໍ່ຕັ້ງສຳນັກງານຫຼັງໃໝ່ຂຶ້ນ ໂດຍເນັ້ນການໃຫ້ບໍລິການງານອອກແບບ, ງານພິມ, ງານປ້າຍ ແລະ ເລີ່ມມີປ້າຍໂຄສະນາໃຫ້ເຊົ່າຄົບວົງຈອນ ຈິ່ງໄດ້ຫັນປ່ຽນຊື່ມາເປັນ ບໍລິສັດ ປັນຍາທິບ ໂຄສະນາ. ຈົນມາຮອດປີ 2017 ໄດ້ມີການແຍກທຸລະກິດ ປະເພດປ້າຍບິວບອດໃຫ້ເຊົ່າອອກ ເປັນອີກທຸລະກິດໜຶ່ງ, ແຕ່ບໍລິສັດ ຍັງຮັບເປັນຜູ້ຜະລິດປ້າຍໂຄສະນາຄົບວົງຈອນ ແລະ ຮັບວຽກຕົບແຕ່ງຈົນເຖິງທຸກວັນນີ້.

ປະຈຸບັນ, ບໍລິສັດ ປັນຍາທິບ ໂຄສະນາ ໄດ້ມີທີມງານທີ່ມີຄວາມພ້ອມ, ມີຄວາມສາມາດ, ຄວາມຊຳນານງານ ແລະ ປະສົບການສູງ ໂດຍໄດ້ມີການພັດທະນາລະບົບການເຮັດວຽກໃນອົງກອນ, ເຄື່ອງມື, ເຄື່ອງຈັກ ແລະ ເຄື່ອງພິມທຸກຮູບແບບທີ່ມີຄຸນນະພາບ ແລະ ທັນສະໄໝ ເພື່ອຮອງຮັບງານພິມ ແລະ ງານປ້າຍໄດ້ຄົບວົງຈອນ ເຊັ່ນ:

• ຮັບອອກແບບງານພິມ ແລະ ອອກແບບປ້າຍທຸກຮູບແບບ
• ຮັບງານພິມທັງງານພາຍໃນ ແລະ ພາຍນອກ ດ້ວຍເຄື່ອງພິມ Inkjet ແລະ ເຄື່ອງພິມ UV
• ຮັບຜະລິດ ແລະ ຕິດຕັ້ງປ້າຍໂຄສະນາທຸກຮູບແບບໃນທົ່ວປະເທດ
• ຮັບອອກແບບ ແລະ ຕົບແຕ່ງງານຕ່າງໆ ເຊັ່ນ: ງານຄອນເສີດ, ງານເປີດໂຕສິນຄ້າຕ່າງໆ ແລະ ງານອື່ນໆ... ພ້ອມທັງຜະລິດອຸປະກອນຕ່າງໆ ທີ່ໃຊ້ໃນງານໂຄສະນາທຸກຮູບແບບ.

ບໍລິສັດ ໄດ້ດຳເນີນລະບົບຄຸນນະພາບ ISO 9001:2015 ແລະຂໍຮັບຮອງລະບົບຄຸນນະພາບ ຢູ່ທີ່ສໍານັກງານຂອງບໍລິສັດ ເຮືອນເລກທີ 228 ໜ່ວຍ 05 ບ້ານໂສກປ່າຫລວງ, ເມືອງສີສັດຕະນາກ ນະຄອນຫລວງວຽງຈັນ