ຄວາມເປັນມາ

ບໍລິສັດ ປັນຍາທິບ ໂຄສະນາ ໄດ້ດຳເນີນກິດຈະການກ່ຽວກັບວຽກອອກແບບ ແລະ ຜະລິດປ້າຍມາຕັ້ງແຕ່ປີ 2000 ຈົນເຖິງປະຈຸບັນ ດ້ວຍປະສົບການທີ່ໃຫ້ບໍລິການກ່ຽວກັບງານສື່ໂຄສະນາໃນ ສປປ ລາວ ມາຫຼາຍກວ່າ 20 ປີ. ພວກເຮົາ ຈຶ່ງໄດ້ມີໂອກາດໄດ້ຮ່ວມງານກັບບັນດາຫຼາຍໆບໍລິສັດທີ່ປະສົບຜົນສຳເລັດທາງດ້ານທຸລະກິດໃນ ສປປ ລາວເຮົາ. ພ້ອມທັງ, ໄດ້ມີການພັດທະນາທີມງານ ແລະ ອົງກອນຂອງພວກເຮົາໃຫ້ມີຄວາມເຂັ້ມແຂງ ແລະ ຍືນຍົງມາໂດຍຕະຫຼອດ ຄວບຄູ່ກັບການສະສົມບົດຮຽນ ແລະ ປະສົບການ ໃນການເຮັດວຽກທາງດ້ານການອອກແບບ ແລະ ຜະລິດປ້າຍໂຄສະນາໃນທຸກຮູບແບບ.